La recuperación de les tradiciones asturianes de Navidá

Ástura entama’l día 17 d’avientu nel Atenéu Oberu de Xixón a les 19.30 una charra col títulu “la recuperación de les tradiciones asturianes de Navidá” na que van participar Berto Peña y un representante de l’asociación Reciella (families pol asturianu).
Berto Peña fadrá un repasu por delles de les tradiciones que se lleven faciendo dende hai sieglos n’Asturies, munches d’elles compartíes con otros pueblos europeos, y delles a piques de perdese o casi desconocíes pa la mayoría de la xente asturiano. Pel so llau dende Reciella falaráse de la posibilidá de recuperación d’estes tradiciones trabayando nes families, nes escueles o incórporandoles a les celebraciones nadaliegues, especialmente de cara a los neños y neñes.